کسی بھی معاشرے کی تشکیل و تعمیر کے لئے خواتین کا کردار بنیادی حیثیت رکھتاہے ۔ ماں کی گود بچے کی پہلی درس گاہ اور تربیت گاہ ہوتی ہے ایک عورت کی تربیت پوری قوم کی تربیت کا ذریعہ ثابت ہوتی ہے ۔چنانچہ اسلام نے جس طرح مردوں کی تعلیم و تربیت کواہمیت دی ہے بالکل اسی طرح عورتوں کی تعلیم اور ذہنی وفکری تربیت کا پوراپورا اہتمام کیاہے ۔ عالمی ادارہ تنظیم الاسلام شعبہ خواتین کے نام سے دختران اسلام کی تعلیم وتربیت کے لئے مختلف مساجد اورمدارس کی ملحقہ عمارات میں حفظ و ناظرہ ، ترجمۃ القرآن اور ترجمۃ الحدیث کی کلاسز کاسلسلہ جاری ہے۔ ماہانہ محافل میلاد، مجالس نعت خوانی اور سلسلہ تقریر وخطابت کے ذریعے دینی اورروحانی تعلیم وتربیت کا اہتمام بھی کیاجاتاہے ۔ دختران اسلام اورطالبات سے دینی مجالس میں خطاب کرنے کے لئے ایسی بلند فکر اور علمی لحاظ سے مقتدر خواتین کو مدعو کیاجاتاہے جو محبت رسول ﷺ کے لاثانی جذبے سے سرشار اور تعلیم وتعلم کی دنیا کے لئے وجہ افتخار ہوں ۔ دوران تدریس طالبات کی ذہنی تربیت اور بلندی کردار کی طرف توجہ دی جاتی ہے ۔ اسی طرح فرائض تدریس انجام دینے والی معلمات بھی دینی اور دنیاوی تعلیم سے بہرہ ور ہوتی ہیںیہی وجہ ہے کہ ایسے باپردہ اور پاکیزہ ماحول میں تعلیم وتربیت کے انوار سمیٹنے والی دختران اسلام عالمی ادارہ تنظیم الاسلام کا اعزاز ہی نہیں بلکہ ملک وقوم کا اثاثہ عمل بھی ہیں ۔ ان مدارس سے اب تک سینکڑوں بچیاں اسلامی تعلیم کے زیورسے آراستہ ہوچکی ہیں ۔ خواتین کے حوالے سے اشاعت تعلیم کا فریضہ انجام دینے والی چند جامعات کے نام درج ذیل ہیں ۔

عالمی ادارہ تنظیم الاسلام کے زیراہتما م چلنے والے مدارس میںہزاروں طلباء و طالبات علوم قدیمہ وجدیدہ سے آراستہ و پیراستہ ہورہے ہیں جن کے قیام وطعام اور تدریسی ضروریات ادارہ کے ذمہ ہیں جبکہ ہزاروں کی تعداد میں طلباء و طالبات زیور تعلیم سے آراستہ ہونے کے بعد تبلیغی و تعلیمی خدمات سرانجام دے رہے ہیں ۔