اِنَّ الدِّیْنَ عِنْدَاللہِ الْاِسْلَامُ
ادیان عالم میں فقط اسلام ہی اللہ رب العزّت جلّ جلالہٗ کا پسندیدہ دین ہے جس کی تبلیغ و ترویج کے لئے حضور اکرم ﷺ کو مبعوث فرمایاگیا چونکہ آپ خاتم النبیین ہیں اور قیامت تک آپ کے بعد کوئی نبی مبعوث نہیں ہوگا لہٰذا قیامت تک دعوت وتبلیغ کا فریضہ آپ کی امت کو سونپ کرفرمایا
قرآن وسنت کی آفاقی تعلیمات کے ذریعے معاشرے میں ہمہ پہلو انقلاب برپا کرنے کے لئے حضرت علامہ ابوالبیان پیر محمدسعیداحمد مجددی رحمۃ اللہ علیہ نے فروری 1980ء میں مرکزی ادارہ تنظیم الاسلام کی بنیاد رکھی جس کے تحت نوجوانوں کی علمی و فکری اور نظریاتی تربیت اور روحانی ذوق کی آب یاری کے لئے عملی جدوجہد شروع کردی۔
- رضائے الٰہی
- عشق رسالت مآب ﷺ
- تعلیمات مجددیہ کا فروغ
- روحانی وفکری تربیت
- فروغِ علم
عالمی ادارہ تنظیم الاسلام کا مرکزی سیکرٹریٹ درگاہ حضرت ابولبیان علیہ الرحمہ مرکزی جامع مسجد نقشبندیہ 121-Bماڈل ٹاؤن گوجرانوالہ ہے ۔ جس میں امیر اعلیٰ عالمی ادارہ تنظیم الاسلام خطبہ جمعہ ارشاد فرماتے ہیں ۔ مرکزی سیکرٹریٹ میں مختلف شعبہ جات کے دفاتر کے علاوہ دفتر دعوت تنظیم الاسلام ، مکتبہ تنظیم الاسلام ، تنظیم الاسلام گرافکس اور تنظیم الاسلام ریسرچ سنٹر بھی موجود ہیں۔
مرکزی سطح پر تمام امور مجلس شوری اور مجلس عاملہ (عہدیداران) کی باہمی مشاورت سے طے پاتے ہیں جن پر امیر اعلیٰ کی منظوری کے بعدمجلس عاملہ کی متعلقہ کمیٹیوں کے ذریعے عمل درآمد کیاجاتاہے